У Берасьці судзяць Паўла Севярынца Моладзевага лідэра Паўла Севярынца вязуць у суд Маскоўскага раёну Берасьця. Яго і яшчэ 30 чалавек затрымалі ўчора ў гэтым абласным цэнтры на сходцы актывістаў Беларускай хрысьціянскай дэмакратыі. На пятнаццаці чалавек былі складзеныя пратаколы і суды над імі пройдуць 22 жніўня. Севярынца ж сёньня выклікалі ў пастарунак, адкуль павезьлі ў суд. Яго абвінавачваюць артыкуле Адміністрацыйнага кодэксу 23.34 «Парушэньне парадку арганізацыі або правядзеньня масавых акцый». У канцы ліпеня - пачатку жніўня Севярынец ужо адседзеў 15 сутак па гэтым самым артыкуле. Сам Павал Севярынец наконт сёньняшняга суду настроены адназначна: «Дадуць 15 сутак», — кажа палітык. Наша Ніва <<<<<<